DILI, STLTIMORLESTE.com – Superintendente Edukasaun Munisípiu Dili simu rezultadu loron dahuluk ezame segundu periodu husi Inspetores eskolar sira katak, ezame lao ho diak iha eskola ida-idak.
Superintendente Edukasaun Munisípiu Dili, Cesarina C. Guterres ba STL, Tersa nee (14/07/2026) hatete, monitoring neebe halao husi Inspetores eskolar sira ba iha ezame segundu periodu loron dahuluk nian horiseik lao ho diak, tanba sira simu rezultadu monitoring ba ezame nee diak, ohin inspetor sira nafatin monitoring ezame nee too remata.
“Hau hanoin ezame lao diak no hakmatek bazeia ba relatoriu neebe ami simu husi ita nian inspetor/a eskolar sira nia observasaun iha area kontrolu sira ba loron horiseik nian. Ohin hau rasik halo observasaun tama iha eskola EBC Fatumeta, ezame lao diak no hakmatek, merenda mos lao hotu. Fasilidade kadeira meza kompletu,” nia esplika.
Nia dehan, estudantes ida-idak partisipa iha ezame ida nee, tanba sira ezame lao tuir orariu ezame ba disiplina neebe mak iha ona, estudantes no profesores tama sedu eskola, fasilidade meza no kadeira sufisiente ba estudantes sira hodi bele uza partisipa iha ezame refere.
(jac)
