DILI, STLTIMORLESTE.com – Estudantes husi Eskola Sekundariu Nobel da Paz hamutuk 1.525 tuir ona ezame segundu periodu, neebe halao iha loron Segunda (13/7), no sei remata iha loron Sesta (17/7) semana nee.
“Ami nian estudantes iha nee nivel rua mak tuir ezame segundu periodu, nee mak nivel sekundariu no ensinu baziku, agora dadaun sekundariu mak ninia total mil sentu setenta quadro mak tuir ezame, manu oetu sentus sinquenta oetu, feto trezentus diza seis, nee ami nian estudantes husi sekundariu, maibe ba ensinu baziku nee trezentus quarenta novi pessoas, nee duni rua nee hamutuk 1.525, nee mak partisipa iha ezame mak ida nee,” afirma Fundador eskola Nobel da Paz, Jeremias P. de Jesus ba STL iha nia knaar fatin Kinta nee (16/07/2026).
Nia dehan, estudantes balun mak rejigna aan, laiha informasaun katak moras ka oinsa, ou nain mak lakohi mai iha eskola, nee la hatene, maibe kuandu ema moras nee inan aman sempre mai fo informasaun mai eskola, maibe ida nee laiha informasaun, estudantes balun priense tiha deklarasaun konaba regras ninia nee, maibe sira la lori mai, husi eskola kontaktu fali inan aman, atu nunee eskola bele hatene.
“Ita nian estudantes balun ladun ativu iha aprendizajen, professores da turma sira fo karta ba sira, maibe karta nee soe iha dalan, la too ba inan aman, husu numeru kontaktu inan aman nian, maibe ba foti fali ema seluk nian numeru. Hau husu ba inan aman mai vizita oan ninia Oras aula nee, nee duni ita nian estudantes mane nain lima mak rejigna aan, ezame nee rasik sei remata iha loron sesta,” nia haktuir.
Jeremias dehan, husi eskola halo kordenasaun ho parte OPS, polisia, eskola 4 de Setembro no Cristal, nee eskola neebe sai risku ba problema, maibe agora dadaun estudantes sira la halo ona problema iha dalan, bainhira sira sai husi eskola, ida-idak fila uma no la hein malu iha dalan, hanesan uluk sempre mosu problema, agora nee ezame hotu sira fila ba uma.
“Primeiru hetan diploma nee liu husi hetan Siensia, entaun simu diploma nee saugati deit, nee duni ami nian estudantes sira nee hahu iha ezame loron primeiru nian too ohin loron lao diak tebes, ohin ezame materia rua,” nia informa.
Nunee mos Martinho de Jesus hanesan estudante sekundariu Nobel da Paz hatete, ezame segundu periodu lao diak, hahu husi segunda too mai agora,estudantes sira dader mai sedu eskola, para tuku ualu nee sira hahu halao ezame.
“Ami halao ezame segundu periodu lao diak, hahu husi segunda too mai agora, estudantes sira dader mai sedu eskola, para tuku ualu nee sira hahu halao ezame, nunee dader ami tenke mai sedu eskola m,” nia dehan.
Rosalina Barreto hanesan estudante ensinu baziku husi Nobel da Paz katak, sira tama meudia, maibe tanba ezame nee tenke mai sedu, tanba estudantes sekundariu sira sai sedu, para ensinu baziku sira tama fali ezame.
“Tuir lo-loos ami tama eskola nee meudia, maibe tanba ezame nee ami tenke mai sedu eskola, tanba estudantes sekundariu sira sai sedu, para ensinu baziku sira tama fali ezame too Oras remata,” nia haktuir.
(jac)
