DILI, STLTIMORLESTE.com – Diretór Ezekutivu Servisu Migrasaun, Komisáriu Asistente Polísia, Jorge Monteiro hatete, nuudar Diretór Ezekutivu iha Servisu Migrasaun (SM) prontu responsabiliza situasaun neebe akontese iha Timor-Leste (TL) hodi kontra lei no regulamentu iha SM.
Nia dehan, mezmu nia prezensa formal iha servisu imigrasaun seidauk kompleta fulan rua, nuudar Diretór Ezekutivu Servisu Migrasaun, mais kualker situasaun saida deit mak akontese iha pais ida nee hodi kontra lei no regulamentu iha Servisu Migrasaun prontu hatan.
“Hau hakarak hatete katak, situasaun hotu-hotu neebe akontese tantu administrativemente tantu operasionalmente, nuudar Diretór Ezekutivu Servisu Migrasaun, hau mak sai hanesan responsavel prinsipal ba iha aspeitu sira hotu no hau prontu responsabiliza situasaun sira, hau mos prontu hodi asume kualker konsekuensia hodi asaun sira neebe viola lei no regulamentu husi imigrasaun,” hatete Diretór Ezekutivu Servisu Migrasaun, Komisáriu Asistente Polísia, Jorge Monteiro ba jornalista sira liu husi Konferensia imprensia iha loron Kinta (16/07/2026).
(jen)
