DILI, STLTIMORLESTE.com – Autoridade Inspesaun Fiskalizasaun Atividade Ekonomia Sanitaria no Alimentar (AIFAESA) realiza avaliasaun servisu ba trismestre daruak tinan nee nian, iha edisfiiu AIFAESA Matadouro.
“Ohin familia boot AIFAESA realiza avaliasaun ba trimester daruak iha tinan 2026 nian, nafatin servisu neebe mak durante nee halo liu-liu ba inspesaun ba terenu iha fulan Junhu, kuaze ami nia atividade konsentra liu iha Dili, tanba selebra mos aniversariu AIFAESA ba 10, ho atividade lubuk ida mos halao iha nee,” Inspektora Jeral AIFAESA, Odete da Silva Viegas, ba jornalsita sira iha Edifisiu Matadouro Kinta (16/07/2026).
Objetivu husi avaliasaun servisu nee oinsa haree fila fali progresu servisu no avalia prestasaun servisu kada departamentu, hodi buka solusaun ba obstaklu durante nee funsionariu sira hasoru.
Tanba iha trimestre primeiru AIFAESA halo inspesaun konsentra iha Dili trimestre segundu komesa ba ona munisipiu sira, munisipiu balun halao ona trimestre segundu, maibe iha munisipiu balun ami seidauk bele lao hotu entaun hahú fali trimestre terseiru ekipa sira sei kontinua Munisipiu neebe seidauk no halo reinspesaun ba munisipiu Ida neebe mak halo tiha ona inspesaun, maibe iha keisa ruma ou iha sira nia operador ekonomiku neebé kompete infrasaun ida rua entaun ekipa sei tun halo inspesaun.
Nia dehan, ba operador ekonomiku sira katak sensibilizasaun divulgasaun ba informasaun neebé funsionariu halo, atu bele lao tuir kumpri atu nunee bele redus sansaun neebé sira sei hetan, Ida nee mos prejudika sira nia atividade negosiu, maibe iha parte seluk sira mos selu nafatin koima ba estadu, imi nia kolaborasaun no kooperasaun husi entidade hotu-hotu, liu-liu emprezariu sira hahú husi kiik atu koopera nafatin.
(joa)
