DILI, STLTIMORLESTE.com – Institutu Nasionál Kombate HIV-SIDA (INCIDA) asina ona akordu ho Sekretaria Estadu Formasaun Profisionál no Empregu (SEFOPE), objetivu atu fahe informasaun.
Prezidente Institutu Nasionál Kombate HIV-SIDA (INCIDA), Daniel Marcal hatete, INCIDA hetan koordenasaun ho SEFOPE ho Ajensia sira neebe mak responsavel ba Timor oan sira neebe ba rai liu, tanba informasaun konaba HIV nee importante tebes ba maluk sira nee, tanba risku boot ba saude.
“Ita haree maluk balun sai ba liur diak depois fila mai ho saude neebe la diak, tanba moris livre liu neebe utuliza hanesan osan neebe sira hetan ho kosar been, maibe sala utuliza osan sira nee hodi kria fali problema Saude la diak ba ita nia vida rasik,” hatete Prezidente Institutu Nasionál Kombate HIV-SIDA (INCIDA), Daniel Marcal ba jornalista sira iha Hotel Beach Garden Pantai Kelapa Dili, Kinta nee (23/07/2026).
(jen)
