DILI, STLTIMORLESTE.com – Eleitores neebe rejistu ona ou resensia ba sistema biometriku total rihun 974, husi numeru nee 39% mak atualiza ona ba sistema.
Kestaun nee hatoo husi Diretor Jeral Sekretariu Tekniku de Administrasaun Eleitoral (STAE), Elviro Fernandes Moniz ba jornalista bainhira remata hao enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Segunda (17/08/2026).
“Hanesan ita hatene total eleitor neebe rejistadu tantu neebe mak resensiau iha tinan anterior sira nomos sira nebee mak foin reseisaun bainhira implementa sistema biometriko porvolta 974 mill portantu husi numeru nee porvolta 38-39% mak aktualiza ho sistema biometriku agora ita nia tarjetu iha tinan inisiu 2027 pelumenus uluk ita hanoin katak atinzi 85-90% maibe haree ba tempu depois implementasaun anivel postu neebe mak ate agora ita seidauk halao entau ita nia tarjetu nee talves la atinzi ona numeru nee maibe semana ida depois ami halo kordenasaun ho CNE para depois apresia kalendariu resensiamentu no aktualizasaun baze de dadus iha nivel postu administrativu iha semana oin fazeadamente ita bele hahu atendementu iha postu administrativu,” dehan Diretor Jeral STAE.
Diretor Jeral STAE hatete, sei esforsu makaas lori sistema nee besik ba komunidade sira nunee bele rejistu masimu liu tan.
“Numeru nee talves la atinzi ita sei tenta posivel para depois bele hetan numeru partisipasaun ida masimu nunee iha tinan 2027 laos eleitor sira neebe mak foin resensiadu mak ba uza sistema biometriku maibe eleitor sira neebe antes resensia tiha ona maibe nafatin uza sistema ou kartaun eleitoral neebe aktualizado ho sistema biometru,” katak DJ.
Oinsa ho ferik katuas sira neebe hela iha area remotas seidauk asesu ba kartaun biometru hatan ba kestaun nee Diretor Jeral STAE hatete ho ida nee mak lori sistema biometriku nee ba iha Postu Administrativu hahu husi postu depois koordenasaun nee lao nafatin tempu badak fim de Agostu hahu lao establese iha Postu Administrativu.
“Ita hahu iha Postu Administrativu haree ba nia tempu neebe iha halo kordenasaun ho nivel Postu Administrativu depois ita haree iha posibilidade ba too iha suku sira ka ou halo movel too iha suku sira presiza haree mos ninia kondisaun lojistika too kalae? tanba ita lebele lori ba suku mais depois iha postu laiha atendementu,” katak nia.
Nia hatete, STAE presiza haree ninia evolusaun sira neebe akontese iha Postu Administrativu, pratikamente halo iha periodo sira neebe liu ba maibe tenke iha koordenasaun depois tenke haree nia kondisaun lojistika sasan sira neebe mak uza hodi halo resensiamentu ho sistema biometriku frazil tebes.
Durante nee STAE identifika ka lae? sidadaun neebe uza eleitoral dupla? Hatan ba kestaun nee nia hatete dupla iha nafatin tentativa sira nee iha tanba uluk iha sistema sira anterior talves STAE la detekta tanba iha mudansa naran, mudansa hela fatin. Entau sistema simu nafatin.
“Maibe iha sistema foun nee labele porkue ba biometriku nia mai premeiru mai ho kartaun ho numeru seluk liu pasa, nia mai fali ho segundu ema neebe hanesan ho numeru ketak nia imformasaun ketak sistema simu maibe depois detekta, bainhira detekta ita provizoriu komunika ema nee sidadaun nee depois halo deklarasaun para depois nia bele uza mak ida neebe, provizoriu pratika ita halo hanesan nee,” hakotu nia.
(eme)
