DILI, STLTIMORLESTE.com — Timor-Leste (TL)sai uma nain ba Sesaun 79.º Komité Rejionál OMS, ne’ebé reúne lider saúde rejionál iha Dili, 7–10 Setembru.
Sesaun 79.º Komité Rejionál Organizasaun Mundiál Saúde (OMS) ba Sudeste Aziátiku reúne ministru saúde, reprezentante no delegasaun internasionál husi nasaun membru sira atu diskute prioridade saúde públika no dezafiu sistema saúde iha rejiaun.
Diretór-Jerál OMS, Dr. Tedros Adhanom Ghebreyesus, no ministru saúde husi Bangladesh, Bhutan, Índia, Qatar no Nepal, hamutuk ho sira-nia delegasaun, partisipa iha enkontru ne’e.
Enkontru ne’e fó oportunidade ba nasaun membru sira atu troka esperiénsia, haforsa kooperasaun no dezenvolve estratéjia komún atu responde ba ameasa saúde públika no emerjénsia.
Diskusaun mós sei haree ba esforsu atu melhora asesu populasaun ba servisu saúde ne’ebé asesível, seguru no ho kualidade, inklui ba komunidade vulnerável sira.
Timor-Leste, nu’udar uma nain, promove parseria rejionál atu haforsa sistema saúde no kontribui ba dezenvolvimentu saúde sustentável iha rejiaun Sudeste Aziátiku.
Prezensa lider no delegasaun internasionál sira mós reflete kompromisu nasaun membru sira atu kontinua servisu hamutuk no buka solusaun ba dezafiu saúde komún iha rejiaun.
(dom)
