DILI, STLTIMORLESTE.com – Visi Primeiru Ministru (V-PM), Ministru Koordenador Asuntu Sosial, Ministru dezenvolvimentu Rural no habitasaun komunitaria, Mariano Assanami Sabino, haruka ona lista naran husi Partidu Demokratiku (PD) ba Primeiru Ministru (PM), Kay Rala Xanana Gusmão, hodi asume hikas knaar Ministru Ensino Superior Siensia no Kultura (MESSK) troka ministru Matebian, Jose Honoriu da Costa Perreira Jeronimo.
V-PM Mariano Asanami hatoo informasaun nee ba jornalista sira iha Palasiu Governu, hafoin halao enkontru ho Xefe Ministra Australia, Tersa nee (08/09/2026) katak, karta husi Partidu Demokrátiku kona-ba kandidatu ba Ministru Ensinu Superiór, Siénsia no Kultura, José Honório, husik hela ona nia kargu iha ministériu, tanba pasta ne’e Entrega ba Prof. Yukilson, neebe PD fó ona naran ba PM Xanana.
Nia dehan, IX Governu Konstitusionál lideradu hosi PM, Kay Rala Xanana Gusmão, kargu ministériu relevante temporariamente akumula hosi VPM Sr. Mariano Assanami Sabino, nune’e bele fó atensaun no submete ba estrutura atual PM iha IX Governu Konstitusionál, atu hetan konsensu no responsabilidade governativu nian hodi responde ba situasaun polítika ida ne’e no resume funsionamentu polítika no institusional ministériu nian, Conselho Superior Partidu Demokrátiku (CSP) iha loron 18 de Agostu 2026, iha sede PD Colmera, reuní hodi halo análize no tetu klean aspetu oin-oin husi Francisco Borlaku Soares nuudar Sekretariu Jeral Interinu, aprezenta lista kandidatus potensiál hodi asume pasta Ministru Ensinu Superior, Siénsia no Kultura mak Pedro Ximenes, nivel edukasaun S3 (Doutoramento) Retor IOB, Florindo Pereira, nivel edukasaun S3 (Doutoramento) Eis Membro Governu atual Retor UNITAL, João Martins, nivel edukasaun S3 (Doutoramentu) Dosente no Retor UNTL, José Boavida Simões nivel edukasaun S2 (Mestradu) Chefe Gabinete MESC, Rosena Martins, nivel edukasaun S3 (Doutoramentu) Dosente UNTL, José Meneses, nivel edukasaun S2 (Mestradu) Diretor Fundasaun UNPAZ, Teresa Maria de Carvalho, nivel edukasaun S2 (Mestradu) Asessora MESCC, Cristino Gusmão nivel edukasaun S3 (Doutoramentu) Diretor Nacional, Dosente UNPAZ, Filipus Nino Pereira, nivel S2 (Mestrado) Ministru MCI no Augusto Junior Trindade nivel edukasaun S2 (Mestradu) Vise Ministru MCI.
Nia afirma, naran sira nee PM Xanana sei hili atu lori ba Prezidente Republika hodi nomea no fo pose. Kargu MESSK nee husik derepente husi Ministru matebian, tanba nee atu assume fali knaar nee tenke haree didiak para ministru foun neebe mai assume knaar nee, nia tenke halao ninia knaar nee ho diak, hodi konsolida funsionariu sira neebe serbisu iha neeba ho diak.
“Ita agora tama ona ba membru ASEAN, presiza reforsa iha ensino superior, oinsa hasae ninia kualidade, adapta ninia kurikulu nee tenke iha sinkronizasaun ba malu iha rejiaun ida nee no ita mos prepara ba politeknik tanba sei iha trabalhadores neebe importante, maske ohin loron iha ona skill maibe ema sei konsidera nafatin unskill, tanba nee presiza sertifika atu nunee bele serbisu ho skill,” dehan nia.
Nia haktuir tan katak, TL iha politeknik, foin lalais nee ba ho ministru MESSK matebian, transforma ona institutu kafe iha neeba, para nia fokus deit ba industria kafe, nomos prepara atu harii politekniku ba turizmu nian iha Munisipiu Lautem, ninia prosesu iha tranzisaun nia laran, tanba nee presiza reforsa atu estabele lalais.
(jos)
