DILI, STLTIMORLESTE.com – Komando FALINTIL-Forsa Defeza Timor-Leste (F-FDTL) hala’o serimónia despedida ba kadete-alunu nain-tolu iha Kuartel Jenerál Fatuhada.
Xefe Divizaun Pessoal, Tenente Koronel Jacinto Soares, Reprezenta Xefe Estadu Maior Jenerál FALINTIL-Forsa Defeza Timor Leste (F-FDTL), Tenente Jenerál Domingos Raúl “Falur Rate Laek” iha serimonia nee hatete, Komando F-FDTL halo despedida ba kadete na’in-tolu ba estudu iha Akademia Militár Repúblika Populár Xina, hahú loron 10 Setembru 2026.
Nia dehan, kadete sira ne’e mak Andrade Kevin Henattes Guterres Belo ba Enjeñaria Mariña, Fabiola Beata da Costa ba Klínika Medisina, no Carichia do Carmo Exposto Oliveira ba Enjeñaria Komunikasaun.
Tuir planu viajen, Fabiola sai iha 10 Setembru, Andrade iha 11 Setembru, no Carichia iha 13 Setembru 2026.Komandu espera estudu ne’e aumenta koñesimentu no profisionalizmu kadete sira.
“Ha’u hein sira fila ho matenek foun hodi kontribui ba dezenvolvimentu no hametin kapasidade F-FDTL,” hatete Xefe Divizaun Pessoal, Tenente Koronel Jacinto Soares ba jornalista sira iha Kuartel Jeneral Fatuhada F-FDTL,loron kinta (10/09/2026).
Nia afirma, F-FDTL sei kontinua haruka ofisiál sira ba estudu iha li’ur hodi hametin rekursu umanu institusionál.
(jen)
