DILI, STLTIMORLESTE.com – Liu husi Komunikadu Impresa Media F-FDTL neebe STL asesu katak, Xefe Estadu-Maior Jenerál F-FDTL, Tenente Jenerál Falur Rate Laek, determina promosaun ba Tenente Genny Manuel de Sousa Soares Cardoso.
Iha loron Segunda nee (14/09/2026) iha Kuartel Jeneral F-FDTL Fatuhada, Xefe Estadu-Maior Jenerál promove Tenente Genny Cardoso ba postu Kapitaun tuir despaxu 036/CEMG F-FDTL/2026.
Promosaun ba postu Kapitaun bazeia ba Despaxu Nú. 036/CEMG FALINTIL-F-FDTL/2026. Desizaun ne’e tuir Dekretu-Lei Nú. 33/2020 ne’ebé altera ho Dekretu-Lei Nú. 21/2024.
Desizaun ne’e bazeia ba rezultadu análize individuál militár. Prosesu tuir kondisaun jerál no espesíal iha Artigu 71.º, 76.º no 67.º kona-ba promosaun liuhusi eskolla.
Antiguidade Kapitaun Genny Manuel de Sousa Soares Cardoso hahú konta husi loron 04 Setembru 2026.
(jen)
