DILI, STLTIMORLESTE.com – Komunidade Aldeia 12 Outubru Tasi-Tolu promete fó rai ba estádiu internasionál, maibé husu governu hasai sira ho dignu.
Lomunidade Aldeia Tasi Tolu, Francisco Lopes da Silva hatete, Komunidade afeitadu iha Aldeia 12 Outubru, Suku Komoro, Postu Administrativu Dom Alexo, prontu kontribui ba projetu estádiu padraun internasionál no kampu futsal indoor iha Tasi-Tolu.
“Ami husu levantamentu dadus labele kahur ho polítika. Ami fila ba foho tenke fila ho dignu,”hatete Komunidade Aldeia Tasi Tolu, Francisco Lopes da Silva ba STL iha Tasi Tolu, Kuarta (16/09/2026).
Nia subliña, komunidade la kontra programa Primeiru-Ministru. Nia husu prosesu tenke klaru no konsidera situasaun komunidade.
“Ami lakoi impede dezenvolvimentu, maibé atendimentu ba komunidade tenke dignu,” nia dehan.
Iha fatin hanesan, Xefe Bairo João Paulo II, Marcal da Silva Martins, Informa, sira kontenti ho espikasajn SETL,maibe tenke hasai komunidade ho diknu,no fo tempu sira sai husi fatin refere.
“Ami kontente ho esplikasaun SETP, maibé ami lakoi esperiénsia hasai komunidade la ho dignu akontese fali,” nia deklara.
Hatan ba preokupasaun, Sekretáriu Estadu Terras no Propriedade, Jaime Xavier Lopes, esplika,sira sei halo re-levantamentu atu identifika dadus. Nune’e kontajen indemnizasaun bele klaru.
Nia afirma, prosesu hotu lao tuir regras. Governu sei hasai karta notifikasaun molok komunidade muda no fasilita transporte ba sira ne’ebé fila ba munisípiu.
(jen)
