DÍLI, STLTIMORLESTE.com – Komandu Jerál Polísia Nasionál Timor-Leste (PNTL) hala’o formatura alerta prontidaun iha Kuartel Jerál PNTL, hodi asegura seguransa públika durante selebrasaun Loron Finadu (Matebian).
Superintendente Asistente Polísia, Hélio da Conceição de Deus lidera formatura ne’ebé sai nu’udar pasu preparasaun operasionál ba membru PNTL.
Nia fó orientasaun ba membru hotu atu kumpri orden ho disiplina no responsabilidade iha terrenu.
“Hau husu membru sira atu hatudu profisionalizmu hodi mantein orden públika durante prosesu movimentasaun Ita nia komunidade,” hatete Superintendente Asistente Polísia, Hélio da Conceição de Deus ba jornalista sira iha nia diskursu, wainhira hala’o formatura alerta prontidaun iha Kuartel Jerál PNTL, Tersa (03/12/2026).
Nia deklara, Diresaun Justisa no Disiplina Nasionál hala’o kontrolu prezensa no prontidaun ba membru sira ne’ebé tama iha alerta.
Medida ne’e atu asegura membru PNTL hotu kumpri orden operasionál, tantu iha Kuartel Jerál PNTL no iha terrenu.
Entertatu formatura ne’e hala’o iha loron 3 Novembru tinan 2026 iha Komando Jeral PNTL depois ativa Alerta Um no prontidaun seguransa.
(jen)
