DILI, STLTIMORLESTE.com – Timor-Leste (TL) hetan naran iha Intrepid Travel nia lista anuál Laos Hot nu’udar destinu sanulu, neebe furak liu iha mundu iha 2027.
Lista ne’e dezenvolve husi kompañia viajen aventura boot liu iha mundu, hodi hatudu destinu ne’ebé prontu simu vizitante barak, oferese esperiénsia foun no fó benefísiu ba komunidade lokál.
Hafoin Timor-Leste nia adezaun ba ASEAN, Intrepid pozisiona kapitál Dili nu’udar destinu turizmu ne’ebé dezenvolve dadaun.
Ho aviaun foun, infraestrutura di’ak no esperiénsia lidera husi komunidade, Dili fasilita esplorasaun destinu ne’ebé menus vizita iha Sudeste Aziátiku.
Atu fó apoiu ba dezenvolvimentu, Intrepid nia Espedisaun loron 9 oferese introdusaun imersivu, inklui sa’e foho aas liu iha Timor-Leste, vizita kuda kafé lokál, illa Atauro no hela ho família lokál.
Diretór-Jerál Ministériu Turizmu, Antonio da Silva dehan, inkluzaun ne’e rekoñesimentu ba kultura úniku no furak naturál.
“Inkluzaun Dili nian iha 2027 Laos Hot List simu rekoñesimentu ba Timor-Leste nia kultura úniku, furak naturál no ospitalidade,” nia dehan liu husi komunikadu imprensa, Kuarta (16/09/2026).
Nia hatutan, Governu kompromete ba turizmu responsavel ne’ebé proteje patrimóniu no konvida viajen-na’in sira ho respeitu.
Líder Turizmu Intrepid iha Timor-Leste, Anas Madeira dehan, “Turizmu iha ne’e sei joven. Ami la’ós destinu ne’ebé buat hotu harii ka halo polísia ba turista, ida ne’e mak ita nia forsa boot.”
Nia hatutan vizitante presiza mai ho hanoin nakloke ba aventura.
Lista ne’e harii husi rede globál líder lokál iha nasaun 35 resin, no destinu sira ne’ebé tama ona hetan kresimentu signifikativu, kria empregu no suporta investimentu infraestrutura turizmu.
(joa)
