DILI, STLTIMORLESTE.com – Polísia Nasional Timor-Leste (PNTL) liu husi Diresaun Servisu Investigasaun Kriminal (DSIK) ezekuta mandadu Tribunál no detein sidadaun estranjeiru Australia, tanba deskonfia kazu droga iha Aileu.
Observasaun STL iha terenu katak, Ekipa konjunta halo buska, apreensaun no kapturasaun iha tuku 10:00 OTL, loron Kinta feira (17/09/2026) iha Suku Malere, Aldeia Tularema, Postu Aileu Vila.
Entretantu suspeitu ho inisiál HMP kaptura iha Aileu. Hafoin kapturasaun, DSIK transporta suspeitu no evidénsia mai edifísiu DSIK iha Komandu Jerál Caicoli.
Evidénsia inklui karreta ida, laptop, aparellu Starlink, telefone no ai-moruk balun ne’ebé deskonfia droga.
Observasaun iha DSIK tuku 15:25 OTL hatudu suspeitu lori ho liman tau algema metin. Seguransa akompaña tama edifísiu hodi kontinua investigasaun. Suspeitu sei detein hodi hein submete ba primeiru interrogatóriu judisiál tuir mandadu Tribunál.
(jen)
