DILI, STLTIMORLESTE.com – Xefe Estadu-Maior Jenerál FALINTIL-Forsa Defeza Timor-Leste (F-FDTL), Tenente-Jenerál Domingos Raúl “Falur Rate Laek”, partisipa reuniaun jerál Prezidénsia Repúblika kona-ba preparasaun vizita estadu.
Prezidente Repúblika, José Ramos-Horta, prezide reuniaun ne’e hodi koordena preparasaun vizita estadu husi autoridade aas estranjeira sira ba Timor-Leste.
Tuir komunikadu imprensa ne’ebé STL asesu husi Media F-FDTL, reuniaun ne’e hala’o iha Díli, loron Tersa (13/10/2026).
Reuniaun ne’e foka ba preparasaun vizita estadu husi autoridade aas estranjeira sira ne’ebé sei hala’o durante fulan Novembru no Dezembru 2026.
Aleinde preparasaun vizita estadu, reuniaun ne’e mós diskute programa no atividade Prezidénsia Repúblika nian ne’ebé sei hala’o durante fulan rua ikus tinan 2026.
Reuniaun ne’e nia objetivu mak atu asegura preparasaun no koordenasaun ne’ebé di’ak entre entidade relevante sira, hodi garante atividade hotu bele hala’o tuir planu.
Iha reuniaun ne’e, Tenente-Jenerál Domingos Raúl “Falur Rate Laek” partisipa hamutuk ho reprezentante husi entidade relevante sira seluk, hodi apoia koordenasaun ba programa ne’ebé sei realiza.
(jen)
