DÍLI, STLTIMORLESTE.com — Ekipa voleibol mane AD SLB manan Joli-Tomi ho rezultadu set 3–1, iha Liga Voleibol Primeira Divizaun, 7.º Epoka 2026, ne’ebé hala’o iha Ginásiu Dili, Segunda-feira, 19 Outubru 2026.
Iha jogu ne’e, AD SLB hatudu konsisténsia iha set primeiru, segundu no kuartu, maski Joli-Tomi konsege manan set terseiru no fó presaun ba adversáriu.
Iha set primeiru, AD SLB manan ho pontu 25–20. Iha inísiu jogu, ekipa rua disputa pontu ho ekilíbriu, hanesan rezultadu 6–6, 7–7, 8–8 no 9–9. Depois, AD SLB hahú aumenta distánsia pontu, husi 13–11 ba 16–11, no kontinua lidera to’o remata set ho rezultadu 25–20.
Iha set segundu, AD SLB kontinua nia dominasaun no manan tan ho pontu 25–20. AD SLB hahú ho vantajen 3–0, no kontinua lidera iha pontu 8–5 no 11–8. Maski Joli-Tomi koko atu aproxima rezultadu, AD SLB mantein nia vantajen no taka set ho pontu 25–20.
Maibé, iha set terseiru, Joli-Tomi hatudu reasaun forte no konsege manan ho pontu 25–20. Joli-Tomi hahú domina husi inísiu, ho vantajen 2–4, 2–6 no 2–8. Sira kontinua aumenta pontu to’o 14–19 no 18–24, antes taka set ho rezultadu 25–20, hodi hamenus diferensa set ba 2–1.
Iha set kuartu, kompetisaun sai maka’as liu tan, tanba ekipa rua troka vantajen pontu. Jogu lao ho ekilíbriu, ho rezultadu 14–14, 15–15, 16–15 no 17–16. Joli-Tomi kontinua halo rezisténsia, to’o rezultadu 23–23, maibé AD SLB konsege hetan vantajen iha pontu importante sira no manan set ho rezultadu 25–23.
Ho rezultadu ne’e, AD SLB taka jogu ho vitoria set 3–1 kontra Joli-Tomi, depois de disputa set haat iha Liga Voleibol Primeira Divizaun, 7.º Epoka 2026.
(leo)
