DÍLI, STLTIMORLESTE.com — Ekipa basquetebol Salazar no Caesar Dante hasoru malu iha kompetisaun basquetebol, ne’ebé hala’o iha Ginásio Desporto Dili, sábadu, 24/10/2026. Jogu ne’e hatudu disputa pontu ne’ebé maka’as, liuliu iha parte daruak.
Iha parte dahuluk, durante minutu 10 primeiru, Salazar rekolle pontu 19, kontra Caesar Dante ne’ebé rekolle pontu 11. Iha minutu 10 segundu, Salazar kontinua lidera ho pontu 21, enkuantu Caesar Dante nafatin ho pontu 11.
Depois deskansu, iha minutu 10 primeiru parte daruak, Caesar Dante hahú hatudu rezisténsia no buka atu hamenus diferensa pontu. Salazar hahú ho pontu 21, no Caesar Dante konsege ultrapasa Salazar, hodi aumenta pontu to’o 23.
Disputa sai maka’as liután bainhira Salazar no Caesar Dante troka malu iha lideransa. Pontu sira kontinua aumenta to’o rezultadu hamutuk 24–24, ne’ebé hatudu katak ekipa rua iha oportunidade atu manan no presiza konsentra to’o jogu remata.
Iha minutu 10 segundu parte daruak, Salazar hahú fali kontrola jogu. Ekipa ne’e aumenta pontu husi 27, 29, 31, 34, to’o 36, enkuantu Caesar Dante nafatin buka dalan atu responde.
Caesar Dante konsege aumenta pontu husi 24 ba 26 no depois 29. Maibé Salazar kontinua aumenta nia pontu husi 36 ba 38 no remata ho pontu 40, enkuantu Caesar Dante para iha pontu 29, tuir dadus pontu ne’ebé disponivel.
Durante jogu, apoiantes husi ekipa rua hatudu animu no suporta ba sira-nia ekipa favorita. Bainhira jogadór ida-idak konsege hatama pontu, apoiantes hakilar, fó aplauzu no hametin motivasaun ba jogadór sira atu kontinua luta iha kampu.
Atmosfera iha Ginásio Desporto Dili sai nakonu ho hakilar no animu, liuliu bainhira Caesar Dante konsege ultrapasa Salazar no bainhira pontu sai hanesan 24–24. Momentu hirak-ne’e aumenta intensidade no halo apoiantes husi ekipa rua kontinua fó suporta to’o jogu remata.
(leo)
