DÍLI, STLTIMORLESTE.com – Ekipa voleibol feto Assalam konsege vitória 3–2 kontra Fitun Lorosae iha Liga Nasionál Voleibol Timor-Leste 1.ª Divizaun 2026.
Partida ne’e hala’o iha Ginásiu Desportu Dili, Tersa-feira (27/10/2026), ho disputa maka’as entre ekipa rua durante set lima.
Assalam garante vitória depois manan set dalima ho pontu 15–11, maski Fitun Lorosae fó rezisténsia forte durante partida.
Iha set dahuluk, Assalam hahú ho di’ak no konsege manan 26–24, depois ekipa rua disputa pontu ho diferensa ki’ik.
Maibé, Fitun Lorosae hatudu kapasidade iha set daruak, hodi manan 25–16 no halo rezultadu temporáriu empate 1–1.
Iha set datoluk, Assalam fila fali domina partida no manan 25–21, hodi lidera rezultadu temporáriu 2–1.
Fitun Lorosae kontinua fó rezisténsia iha set dahaat no konsege manan 25–23, hodi halo rezultadu empate 2–2.
Rezultadu ne’e obriga ekipa rua disputa set dalima atu determina vencedór iha partida ne’ebé hala’o ho kompetisaun maka’as.
Iha set ikus, Assalam hatudu konsentrasaun no domina pontu importante sira, hodi taka partida ho vitória 15–11.
Durante partida, ekipa rua hatudu kapasidade téknika liuhosi servis, passing, bloku no smes, hodi buka pontu iha kada set.
Vitória ne’e hatudu kapasidade Assalam nian atu mantein konsentrasaun iha momentu desizivu, maski hasoru rezisténsia forte husi Fitun Lorosae.
Liga Nasionál Voleibol Timor-Leste 1.ª Divizaun époka 2026 kontinua fó oportunidade ba ekipa sira atu hadi’a kapasidade téknika no kompetitividade iha voleibol nasionál.
(leo)
