FILIPINA, STLTIMORLESTE.com – Xefe Estadu-Maior Jenerál FALINTIL-Forsa Defeza Timor-Leste (F-FDTL), Tenente-Jenerál Domingos Raul “Falur Rate Laek”, reprezenta Ministru Defeza Timor-Leste iha enkontru ADMM-XX, iha Filipina.
Liu husi Komunikadu Impresa ne’ebe STL asesu iha media F-FDTL katak, Atividade ne’e hala’o iha Lapu-Lapu, Cebu, Filipina, husi 27 to’o 29 Outubru 2026, ho objetivu hametin kooperasaun defeza rejionál.
Falur Rate Laek reprezenta Ministru Defeza Timor-Leste, Donaciano da Costa Gomes “Pedro Klamar Fuik”, PhD, iha enkontru Ministru Defeza ASEAN nian ba dala-20.
Filipina sai nu’udar país anfitriaun no prezidente ba ASEAN Defence Ministers’ Meeting (ADMM) no ADMM-Plus, ne’ebé lidera husi Sekretáriu Defeza Filipina, Gilberto Teodoro Jr.
Enkontru ne’e marka tinan-20 ADMM, ne’ebé hahú iha 2006, no sai oportunidade atu hametin kooperasaun defeza entre nasaun sira iha rejiaun.
Enkontru ne’e mós envolve Sekretáriu-Jerál ASEAN, Dr. Kao Kim Hourn, hamutuk ho reprezentante nasaun membru ASEAN no parseiru sira.
Iha loron dahuluk, hala’o Enkontru Informál Ministru Defeza (DMIM), ne’ebé envolve Sekretáriu ba Guerra Estadus Unidus Amérika (EUA), Pete Hegseth, no Ministru Defeza Japaun, Koizumi Shinjiro.
Enkontru informál ne’e foka ba dezafiu sira iha rejiaun Indo-Pasífiku no perspetiva kooperasaun defeza futuru entre ASEAN, EUA no Japaun.
(jen)
