DÍLI, STLTIMORLESTE.com – Ekipa futebol mane Sub-17 husi Munisípiu Viqueque no Dili Oeste garante vaga ba final Copa Juvenil U-17 2026, depois elimina Aileu no Oecusse iha faze semifinal, ne’ebé hala’o iha Kampu FFTL, Díli, Tersa-feira, 10 Novembru 2026.
Iha jogu semifinal dahuluk, Viqueque hatudu nia dominíniu ho manán boot 4-0 kontra Aileu, enkuantu Dili Oeste mós rejista rezultadu hanesan, 4-0, hasoru Oecusse.
Rezultadu ne’e permite Viqueque no Dili Oeste avansa ba disputa títulu kampionatu Copa Juvenil U-17 tinan 2026, depois sira konsege liu hosi adversáriu ida-idak iha semifinal.
Jogu final entre Viqueque no Dili Oeste sei realiza iha Kampu FFTL, Díli, kinta-feira, 12 Novembru 2026, atu determina ekipa ne’ebé sei sai kampiaun Copa Juvenil U-17 2026.
Kompetisaun ne’e sai oportunidade importante ba joven futbolista sira husi munisípiu atu hatudu sira-nia kapasidade, talentu no dezenvolvimentu iha futeból juventude Timor-Leste.
(leo)
