DILI, STLTIMORLESTE.com – Ekipa futebol mane Sub-17 Munisipiu Viqueque sai kampeaun Kopa Juvenil U-17 tinan 2026, depois de manán Dili Oeste ho rezultadu 4-2, iha jogu final ne’ebé hala’o iha kampu futebol FFTL, Dili, Kinta-feira (12/11/2026), tuku 18:30.
Iha kompetisaun ne’e, ekipa rua hatudu konfrontu ne’ebé kompetitivu. Dili Oeste konsege loke rezultadu liuhusi Gilson Costa, uza kamizola númeru 10, iha minutu 25.
Maibé, Viqueque responde ho golu igualadór liuhusi Ivanio Ricardo, kamizola númeru 10, iha minutu 34. Antes remata tempu primeiru, Zenito Rangel, kamizola númeru 9, aumenta tan golu ba Viqueque iha minutu 45+3.
Iha tempu segundu, Zenito Rangel fila fali hatama golu daruak ba nia ekipa iha minutu 47, no halo Viqueque aumenta vantajen. Dili Oeste konsege hamenus diferensa liuhusi Waldir Pereira, kamizola númeru 7, iha minutu 61.
Maibé, Viqueque kontinua hametin nia vantajen, no Ozil Guterres, kamizola númeru 7, konverte pênalti sai golu iha minutu 67, hodi taka rezultadu 4-2 to’o remata jogu.
Ho rezultadu ne’e, munisípiu Viqueque hetan títulu campeaun Copa Juvenil U-17 mane tinan 2026, Dili Oeste iha tur iha segundu , munisípiu Aileu tur iha terseira no RAEOA tur iha kuarta.
Rezultadu final ne’e marka Viqueque nu’udar ekipa ne’ebé manán títulu kompetisaun futebol juvenil Sub-17 tinan 2026.
(leo)
