FILIPINA, STLTIMORLESTE.com – Filipina sei lidera ASEAN durante mandatu prezidénsia liu husi Siméira ASEAN dala-49, iha Pasay City, husi 15 to’o 17 Novembru 2026.
Informasaun neebe STL asesu iha terenu katak, siméira ne’e sei hala’o iha Sentru Konvensaun Internasionál Filipina (PICC), ho ajenda prinsipál 10 ne’ebé abrange seguransa, ekonomia no kooperasaun rejionál.
Depois asuntu Myanmar, Kódigu Konduta iha Tasi Xina Súl, seguransa enerjia, seguransa ai-han no krime dijitál sei sai prioridade diskusaun líder ASEAN sira.
Iha asuntu Myanmar, líder sira sei reviza no foti desizaun kona-ba implementasaun Konsensu Pontu Lima atu buka solusaun ba krize polítika iha nasaun ne’e.
Enkuantu, negosiasaun Kódigu Konduta (COC) entre ASEAN no Xina kona-ba Tasi Xina Súl atinje ona progresu 70%.iha área seguransa marítima, líder sira sei konsidera aprovasaun planu atu harii Sentru Marítimu ASEAN hodi haforsa kooperasaun rejionál.
Iha área ekonomia, ASEAN no Xina sei selebra tinan lima Parseria Estratéjika Komprensiva no diskute implementasaun Akordu Foun Komérsiu Livri ASEAN-Xina (ACFTA 3.0).
Aleinde ne’e, ASEAN sei hala’o Siméira Espesiál ho Estadus Unidus, atu diskute komérsiu, investimentu, edukasaun no teknolojia.
Nomos asuntu seluk mak seguransa enerjia, inklui krize iha Médiu Oriente, estudu kona-ba rezerva mina-rai no ratifikasaun Akordu Seguransa Petróleu ASEAN (APSA).
Líder sira sei diskute mós esforsu atu aumenta produsaun no distribuisaun ai-han rejionál, nune’e mós kombate krime transnasionál no fraude online.
Entertatu semana aiméira ASEAN nian hahú iha Sábadu (14/11/2026), ho enkontru Ministru Negósiu Estranjeiru ASEAN, lideradu husi Sekretária Negósiu Estranjeiru Filipina, Ma. Theresa Lazaro.
Enkontru ne’e nia objetivu mak finaliza preparasaun ajenda antes Prezidente Filipina, Ferdinand R. Marcos Jr., lidera sesaun plenária no enkontru parseiru diálogu.
Enkontru sira-ne’e inklui ASEAN Plus One, ASEAN Plus Three no Kúpula Ázia Leste, ne’ebé sei hala’o husi 15 to’o 17 Novembru.
Maski Prezidente Estadus Unidus, Donald Trump, sei to’o iha Tersa (17/11/2026), Filipina garante katak enkontru espesiál ho ASEAN sei kontinua tuir ajenda.
Iha fatin hanesan, Adujuntu Sekretariu-Jerál no Portavoz ba Asuntu ASEAN 2026 iha Filipina,Dominic Xavier Imperial siméira Espesiál ASEAN-Estadus Unidus sei la adia, maski Prezidente Donald Trump to’o tarde.
Enkontru espesiál ne’e sei uza formatu leaders-only, ne’ebé permite líder sira diskute diretamente no ho nakloke kona-ba komérsiu, investimentu, edukasaun no teknolojia.
(jen)
