EBC Uatu Misa Prepara Pontus Ezame

Estudante EBC Watu Misa. (Foto: STL/Joaninha Belo)

BAUCAU, STLTIMORLESTE.com – Eskola Ensinu Baziku Central (EBC) 1⁰ , 2⁰ no 3⁰ Siklu Uatu Misa Gariwai prepara pontus ezame ba estudante sira, ne’ebé sei tuir ezame terseiru període iha 23 Novembru 2026.

Preparasaun ne’e hala’o hela husi Primeiru Siklu, Segundu Siklu no Terseiru Siklu, inklui preparasaun pontus ezame no oráriu tuir orientasaun Ministériu Edukasaun (ME).

Informasaun ne’e hato’o husi Adjunto EBC 1⁰, 2⁰ no 3 ⁰ Siklu Watu Misa Gariwai, Herminio A. Freitas, ba STL iha Gariwai, Segunda (16/11/2026).

Herminio esplika katak, tuir oráriu Ministériu Edukasaun, ezame terseiru període sei hahú iha loron 23 Novembru 2026.

“Primeiru Siklu, Segundu Siklu no Terseiru Siklu, inklui estudante setimu no oitavu anu, agora dadaun ami prepara hela pontus ezame no oráriu atu estudante sira bele tuir ezame terseiru període,” hatete Adjunto.

Nia informa katak, estudante hamutuk nain 432 sei tuir ezame terseiru període iha eskola ne’e.

Iha oportunidade ne’e, Herminio husu estudante sira atu halo preparasaun ho di’ak, estuda didi’ak molok tama ba sala ezame, hodi bele responde pergunta sira ho konfiansa.

Nia mós husu estudante sira atu la lakon tempu ba atividade pasiar, maibé aproveita tempu ne’ebé iha atu estuda no prepara an, tanba ezame terseiru període sei hala’o iha tempu badak.

(joa)

Share it :

Leave a Reply

Your email address will not be published. Required fields are marked *