VIQUEQUE, STLTIMORLESTE.com – Fenómena rai sut mosu iha área Raitahu, Suku Uma Uain Craik, Postu Administrativu Viqueque Vila, Munisípiu Viqueque, iha kalan Sábadu (21/11/2026), hafoin akontese rai nakdoko ho magnitude 5.9, tuku 18:42 OTL.
Xefe Suku Uma Uain Craik, Angelo Miguel da Silva Soares, informa katak fenómena rai sut ne’e hahú akontese besik tuku 20:00 kalan.
“Fenómena ne’e rai sut, rai sa’e, lakan maka’as. Iha Viqueque laran ne’e naroman hotu kedas, to’o iha área Ossu mós naroman hotu kedas,” nia hato’o ba STL liuhusi telefone, Sábadu (21/11/2026).
Nia relata katak to’o agora rai sut refere kontinua lakan no nia naroman kuaze to’o iha área Postu Administrativu Ossu.
Nia esplika katak fenómena ne’e fó impaktu ba komunidade sira ne’ebé halo atividade to’os iha área refere.
Entretantu, autoridade relevante kontinua halo monitorizasaun ba fenómena ne’e no sei hato’o informasaun tan ba públiku.
(tom)






