BAUKAU, STLTIMORLESTE.com – Komadante Jeral Polisia Nasional TimorLeste (PNTL), Komisariu Assistente Polisia, Afonso dos Santos husu membru polisia sira labele liman ain mamar ba povu.
Komandante Jeral PNTL, Afonso dos Santos aprezenta, mandatu neebe simu hamutuk ho Segundu Komandante PNTL, Komisaria Asistente Natercia Eufrasia Martins mak responsabilidade ba instituisaun PNTL mezmu foin fulan ida, tanba nee hakarak membru hotu iha territoriu nasional rona orientasaun husi komandante munisipiu sira, nunee bele ganha konfiansa husi povu.
“Hau husu ba imi hotu haree ita nia populasaun didiak, hau rona membru ida liman kmaan ain kmaan ba povu, ida nee hau la tolera, servi povu ida nee ho dignidade, laiha liman kmaan ain kmaan ba povu,” Komandante Jeral PNTL, Afonso dos Santos apela ba membru sira iha ambitu vizita ofisial hamutuk ho Segundu Komadante PNTL, Komisaria Asistente Natercia Eufrasia Martins ba Komando Polisia Munisipiu Baukau, Kinta (16/04/2026).
(tom)
