DILI, STLTIMORLESTE.com – Autoridade Inspesaun Fiskalizasaun Atividade Ekonomika, Sanitaria no Alimentar (AIFAESA) halao avaliasaun trimestral dahuluk Q1 durante loron rua husi dia 14 too 15 Abril 2026.
Serimonia avaliasaun trimestral dahuluk neebe realiza iha Edifisiu AIFAESA, Matadoro, Dili, Tersa (14/4/2026), loke diretamente husi Inspetora-Geral Autoridade Inspesaun Fiskalizasaun Atividade Ekonomika, Sanitaria no Alimentar, Dr. Odete da Silva Viegas.
Dr. Odete da Silva Viegas aprezenta, durante AIFAESA halo servisu iha terenu ba inspesaun hetan partisipasaun no kolaborasaun diak husi negosiantes sira. Tanba ho kolaborasaun neebe iha husi fulan Janeiru too Marsu AIFAESA konsege espesi ona estabelesementu hamutuk 2.395, nee hatudu abansa boot ida ba servisu fiskalizasaun AIFAESA nia.
“Ita mos konsege ensera temporaria 22 estabelesimentu agora reativa fali ona 12 estabelesimentu, ensera temporariu ida nee ho objetivu katak sira presiza hadia kondisoens neebe sira iha atu bele fo ba publiku ida nee parte ida husi AIFAESA nia servisu,”katak Odete.
Aleinde nee, Dr. Odete abansu signifikadu seluk mak ba infradus sira mos koopera tanba aleinde sira komete infrasaun AIFAESA konsege rekolha koimas husi fulan Janeiru too Marsu konsege hetan 207 mil dolares Americano AIFAESA rekolha ba kofre estadu, husi ema sira neebe mak hetan infrasaun nee hamutuk 192, infratoris total nee mak komete infrasaun. Aleinde nee atividade seluk maka ekipa AIFAESA desloka ona ba Oecusse, tanba iha tinan 2025 AIFAESA hahu destaka nia Inspetiris sira ba RAEOA entaun presiza halo fali avaliasaun ba sira nia servisu tanba sira nia kontratu sei ramata iha dia 31 de Marsu, nee duni presiza sei estende fali ho servisu hanesan ba inspetoris sira.
Dezafius neebe AIFAESA hasoru durante nee maka menus transportes ho ekipamentus, maibe ita nafatin halao servisu.
Iha biban nee, Odete mos hatoo agredese wain ba kolaborasaun diak entre traballador ekonomiku sira, tantu husi traballadores ekonomiku kiit too boot tanba ekipa AIFAESA tuun ba sira sempre koopera ho diak.
(ger)
