DÍLI, STLTIMORLESTE.com — Klubu Basketball mane Aligators hetan vitória ho rezultadu 63–34 kontra Salazar, iha kompetisaun Liga Basketball Timor-Leste 2026, ne’ebé hala’o iha Ginásio Dili, Domingu (18/10/2026).
Iha kuartu primeiru, Salazar loke uluk pontu 3–0, maibé Aligators lalais responde liuhosi atake ofensivu ne’ebé efetivu. Aligators konsege kontrola jogu no taka kuartu primeiru ho vantajen pontu 12–10.
Iha kuartu segundu, Salazar kontinua buka oportunidade atu aumenta pontu, maibé hasoru difikuldade iha ezekusaun arremesu. Aligators, iha parte seluk, nafatin hatudu defeza metin no atake ne’ebé konsistente, hodi taka kuartu segundu ho rezultadu 27–20.
Depois deskansu, ekipa rua fila fali ba kampu atu kontinua kompetisaun iha kuartu terseiru. Aligators nafatin domina ritmu jogu no aumenta distánsia pontu, hodi taka kuartu ne’e ho rezultadu 41–26.
Iha kuartu ikus, Salazar buka atu responde no hamenus diferensa pontu, maibé Aligators kontinua kontrola partida ho jogu ofensivu ne’ebé efetivu no defeza ne’ebé metin.
To’o finál partida, Aligators konsege manan ho rezultadu 63–34, ho diferensa pontu 29.
Vitória ne’e hatudu prestasaun forte husi Aligators iha Liga Basketball Timor-Leste 2026, enkuantu Salazar presiza hadi’a ezekusaun ofensivu no organizasaun defeza atu prepara ba partida sira tuirmai.
(leo)
