APC Rejistu Ema Afetadu Dezastre 27 & Ema Nain 1 Mate

APC rejistu kazu dezastre hamutuk 27 no ema nain 1 mate. (Foto: Espesial)

DILI, STLTIMORLESTE.com – Hahu husi Loron 13 too 20 Janeiru 2025, iha rejiaun Timor Leste (TL) akontese tipu dezastre mak Autoridade Protesaun Sivil (APC – sigla português) rejistu kazu dezastre hamutuk 27 no ema nain 1 mate.

“Ema neebe afetadu ba dezastre hamutuk 27, no nain 1 mate, tanba mota mak lori, too agora seidauk hetan, nomos ema neebe prienxe ona kriteria nain 5,” hatete Xefi Seksaun Komunikasaun Relasaun External Autoridade Protesaun Sivíl (APC), Nelson Nunes Orleans ba jornalista sira iha salaun APC Kaikoli, Díli, Segunda (20/01/2025).

Nia dehan, iha Munisipiu Aileu rai lakan fera ema nain ida, Munisipiu Baukau ahi han uma ida, Munisipiu Dili ahi han uma ida nomos ani sobu uma ida, Munisipiu Manufahi anin sobu uma ida, Munisipiu Vikeke mota lori ema ida no ahi han ida.

Iha sorin seluk, reprezentante Prezidente Autoridade Munisipiu (PAM) Ainaro, Ruivo Barros Magno informa, iha Munisipiu Ainaro akontese dezastre naturais iha Postu 4, maibe hetan ona apoia emerjensia husi APC no Administrasaun Munisípiu.

“Iha Ainaro dezastre akontese iha haat, maibe Postu Administrativu tolu mak halo ona apoiu emerjénsia no tuir mai sei apoiu tan postu ida hodi kompleta tan dadus postu 4 Munisipiu Ainaro nian. Apoiu nee konjunta APC no Administrasaun Munisipiu nian,” nia afirma.

(jen)

Share it :

Leave a Reply

Your email address will not be published. Required fields are marked *