Aprezenta Mapamentu Rekursu Umanu

Ministru Planeamentu no Investimentu Estratéjiku (MPIE), Gastão Fransisco de Sousa. (Foto: STL/EST 2)

DILI, STLTIMORLESTE.com – Ministru Planeamentu no Estratejiku (MPIE), Gastão de Sousa hatete, reunian Konselhu Administrasaun ba dala 35, hodi aprezenta mapamentu rekursu umanu iha setor publiku.

“Ita aprezenta relatoriu mapamentu rekursu umanu setor publiku, neebe ami iha peskizador ida, para ema sira foti desizaun ba iha area prioridade neebe iha, segundu atu haree mos kona-ba bolsu estudu neebe atu atribui iha tinan ida nee, hodi haree ba iha diploma ministerial neebe mak iha, terseiru mak ezekusaun orsamentu, katak ezekuta los ka lae,” dehan MPIE, Gastão de Sousa ba jornalisa sira iha salaun Delta Nova, Tersa nee (21/01/2025).

Nia dehan, iha enkontru nee mos koalia kona-ba obstaklu no dezafiu saida mak ita enfrenta, para bele hadia iha tinan ida nee, depois haree mos viajen bolsu estudu sira nian, neebe eskola iha Brazil.

Iha fatin hanesan, Afonso de Almeida hanesan peskizador husi UNTL dehan, aprezenta dadus preliminar ida, tanba iha deit ministeriu balu mak submete dadus, entaun ministeriu neebe mak submete nee halo anilaza hamutuk 27 instituisaun, ninia objetivu mak atu identifika kompetensia neebe mak instituisaun publiku sira iha, hodi avalia sira nian kualifikassaun dadus profissionais, hodi kapasita forsa trabalhu iha sira nia instituisaun.

“Ita identifika neebe fo dadus funsionariu sira nian no identifika numeru ema neebe atu formasaun no iha area saida, asegura mos instituisaun publika sira para bele prepara rekursu umanus sira, bele halo servisu diak liu tan iha instituisaun publika, prepara forsa trabalhu iha kedas Ministeriu”katak nia.

(EST 1)

Share it :

Leave a Reply

Your email address will not be published. Required fields are marked *