FILIPINA, STLTIMORLESTE.com – Assosiasaun Nasoins Sudeste Aziátiku (ASEAN) aprezenta ofisialmente emblema foun organizasaun rejionál ne’e, ne’ebé inklui Timor-Leste nu’udár membru bá-11, durante serimónia abertura 49ª Simeira ASEAN no Simeira Relasionada, iha Domingu, 15 Novembru 2026.
Aprezentasaun emblema foun ne’e hala’o iha Philippine International Convention Center (PICC), Manila, Filipinas, ho partisipasaun líder nasaun membru ASEAN no delegasaun sira inklui Primeiru-Ministru Timor-Leste, Kay Rala Xanana Gusmão.
Inkluzaun Timor-Leste iha emblema foun ASEAN ne’e reflete adezaun ofisiál nasaun ne’e nu’udár membru bá-11 organizasaun rejionál ne’e, hafoin tama ofisialmente iha 26 Outubru 2025, durante 47ª Simeira ASEAN iha Kuala Lumpur, Malázia.
Emblema foun ne’e marka mós etapa foun iha istória ASEAN, ho Timor-Leste hamutuk ho nasaun membru sira seluk atu kontinua hametin unidade, solidariedade no kooperasaun rejionál.
(jen)
