DÍLI, STLTIMORLESTE.com — Klubu Voleibol Bandido Qualidade manan Klubu Voleibol K-Link ho rezultadu set 3–0, iha kompetisaun Liga Voleibol Timor-Leste Primeira Divizaun, 7.ª Époka 2026, iha Ginásiu Dili, Segunda-feira, 19/10/2026.
Iha kompetisaun ne’e, ekipa mane rua hatudu abilidade no teknika jogu ne’ebé di’ak liuhosi servisu, passing, smash no bloku. Maski nune’e, Bandido Qualidade konsege domina jogu no asegura vitória iha set tolu.
Iha set dahuluk, ekipa rua hahú ho disputa pontu ne’ebé maka’as, no pontu sira lao hanesan to’o 16–16. Maibé, Bandido Qualidade konsege aumenta nia prestasaun no taka set dahuluk ho rezultadu 25–18, ho vantajen pontu hitu, hodi lidera 1–0.
Tama ba set daruak, K-Link kontinua halo esforsu atu hasoru Bandido Qualidade. Maibé, Bandido Qualidade nafatin hatudu organizasaun jogu ne’ebé di’ak no konsege manan set daruak ho rezultadu 25–17, ho diferensa pontu ualu, hodi aumenta vantagem ba 2–0.
Iha set datoluk, K-Link kontinua buka dalan atu muda rezultadu, maibé Bandido Qualidade nafatin domina jogu liuhosi servisu, passing, smash no bloku. Ikusmai, Bandido Qualidade manan tan set datoluk ho rezultadu 25–21.
Ho rezultadu set tolu ne’e, Bandido Qualidade manan K-Link ho rezultadu jerál 3–0, hodi asegura vitória iha kompetisaun Liga Voleibol Timor-Leste Primeira Divizaun, 7.ª Époka 2026.
Durante jogu, adepto no apoiadór husi ekipa rua hatudu interese no fó apoiu ba sira-nia ekipa, hodi aumenta animu ba atleta sira durante disputa pontu iha kampu.
(leo)
