DILI, STLTIMORLESTE.com — Ekipa basquetebol C. Dante konsege hetan vitória hasoru ekipa basquetebol Lemocor ho rezultadu 43:33, iha kompetisaun Liga Nasional Basquetebol Timor-Leste, ne’ebé hala’o iha Ginásio Dili, Domingu (30/08/2026).
Jogu hahú ho intensidade aas husi ekipa rua, ne’ebé diretamente halo atake no buka oportunidade atu hatama pontu ba ekipa ida-idak. Durante jogu, ekipa C.Dante no Lemocor kontinua halo atake ba malu no la fó oportunidade fasil ba adversáriu atu aumenta pontu.
Ho esforsu ne’ebé makas, jogador sira husi ekipa rua kontinua luta atu aumenta pontu. Iha tempu deskansu, treinador husi ekipa rua aproveita oportunidade atu fó instrusaun, estratéjia no motivasaun ba jogador sira, ho objetivu atu bele joga diak liután iha tempu tuirmai.
Iha jogu ida-ne’e, C.Dante hatudu dominasaun liu iha kontrolu bola no konsege uza oportunidade sira ne’ebé iha atu aumenta pontu. Hahú husi inísiu jogu to’o remata, C.Dante nafatin fó presaun no domina jogu.
Ikusmai, esforsu no dominasaun husi C.Dante fó rezultadu pozitivu, ho ekipa ne’e konsege manan hasoru Lemocor ho skor 43:33.
Jogu ida-ne’e mos sai animadu tanba apoiantes husi ekipa rua kontinua fó motivasaun ba jogador sira. Hakilar no aplausu husi apoiantes aumenta ambiente no entusiasmu iha Ginásio Dili durante jogu.
(leo)
