DILI, STLTIMORLESTE.com – Bankada Kongresu Nasional Rekonstrusaun Timorense (CNRT) iha Parlamentu Nasional (PN) husu Ministru Obras Publikas (MOP) atu konstrui estrada diresaun Perunas too Ailok-Laran, tanba kondisaun estrada iha fatin nee grave tebes.
Kestaun nee Deputadu Bankada CNRT, Virgilio Pereira liu husi plenaria, iha Parlamentu Nasional (PN), Tersa (21/01/2025).
“Husu ba Ministru Obras Publikas (MOP) atu bele tau matan ba estrada iha Dili laran, liu-liu diresaun Bairo Pite ba too iha Ailok-Laran,” rekomenda Virgilio Pereira.
Nia hatutan, estrada neebe lokaliza iha Suku Bairo Pite nee presiza halo konstrusaun urjente, tanba populasaun sira neebe kada loron asesu estrada nee sempre hasoru engarrafamentu, tanba estrada neeba grave ona.
“Estrada nee grave tebes, tanba ita haree aat liu tiha fali dalan ida iha Baguia tangan di atas nee,” tenik nia.
(alb)