Deskonfia Broker Iha Tratamentu BI, Ministru Justisa La Iha Toleransia

Ministru Justisa (MJ), Sergio Hornai. (Foto: Media MJ)

DILI, STLTIMORLESTE.com – Relasiona ho informasaun neebe espalha kona-ba deskonfia broker iha tratamentu Bilhete Identidade (BI) iha servisu Rejistu Notariadu nian, Ministru Justisa, Sergio Hornai hatete, nia sei la iha toleransia ba aktu ka hahalok ida nee.

“Hau hatete beibeik ona katak, ita la iha toleransia ba ida nee, katak eziste deit iha neeba aparelhu Estadu nian funsionariu Estadu nian iha neeba servisu atu halo prestasaun ba sidadaun sira,” dehan Ministru Justisa, Sergio Hornai ba jornalista sira iha Edefisiu Ministeriu Justisa, Kinta (16/01/2025).

Governante nee hatutan, karik iha ajensia sira neebe apropriadu no hetan lejitimidade husi sidadaun ka grupu Emprezarial ka organizasaun ruma fo porkurasaun ba sira, tanba sira hanesan ajensia ida nee iha rasik nia mekanizmu propriu. Maibe la fo fatin atu iha broker ba hahalok sira neebe hamosu irregularidade, neebe lori kauza iha transparansia akuntabilidade ba iha ita nia boa governasuan, la permite ida nee.

Iha fatin ketak, Akademiku UNTL, Rafael de Jesus dehan, aktu sira hanesan lei bandu, tanba fo benefisiu deit ba ema ida.

“Aktu sira hanesan nee la diak, tanba fo benefisiu ba ema balu deit, se mak haree ema sira halo aktu sira hanesan nee tenke hatoo keixa,” dehan nia.

(jen)

Share it :

Leave a Reply

Your email address will not be published. Required fields are marked *