DILI, STLTIMORLESTE.com – Relasiona ho informasaun balu neebe mosu, deskonfia funsionariu balu iha Diresaun Munisipal Konservatoriu Servisu Rejistu Notariadu Munisipiu Dili sai broker ba sidadaun balu, Ministru Justisa (MJ) orienta ona ekipa ida hodi halao averiguasaun.
“Hau orienta ba iha Inspetor Jeral Auditoria atu halo daudaun averiguasaun, halo nafatin inspesaun, atu nunee bele hetan informasaun preleminar,” dehan Ministru Justisa (MJ), Sergio Hornai ba jornalista sira iha Kaikoli, Dili, Tersa (21/01/2025).
Nia hatutan, la taka matan atu Instituisaun Publiku Estadu nian, autoridade judisial sira iha orgaun Polisia Kriminal sira atu tama, kuandu iha situasaun sira nee.
Kuandu sai ona hanesan denunsia no konsumu publiku nian, Instituisaun Estadu orgaun Polisia kriminal sira ezerse sira nia servisu atu buka hatene kona-ba problema nee iha duni ka lae. Orientasaun MJ nian buka hatene ho lo-loos no tebes duni, no rekomenda iha parte ida neebe tama iha Ministeriu Justisa no parte seluk neebe tama iha instituisaun seluk hodi halao servisu.
Tanba nee, tenke iha evidensia labele ho emosaun, ho objetividade tuir deit lei faktus no provas neebe rekolha, husi nee mak haree hodi hatoo ba iha instituisaun relevante.
Iha fatin ketak, Akademiku UNTL, Simiao de Jesus dehan, tenke foti sansaun rigorozu hasoru ema neebe simu broker, tanba lei la fo dalan.
Hanoin MJ tenke foti sansaun hasoru ema neebe halao servisu iha kotuk, hodi la kumpri ba nia dever neebe iha,” ehan nia.
Hatutan tan, hahalok ida nee la diak, atu prevene iha futuru, agora kedan halo investigasaun klean ba ema neebe deskonfia ba, foti sansaun hasoru nia atu prevene ema seluk labele halo tan aktu nee.
(ter)
