DILI, STLTIMORLESTE.com – Primeiru Ministru (PM), Kay Rala Xanana Gusmão hatete, atu dezenvolve ekonomia laos husi Governu maibe setor privadu, tanba nee presiza dudu setor privadu.
Primeiru Ministru, Kay Rala Xanana Gusmão hatoo lia hirak nee ba jornalista sira, bainhira remata halo enkontru semanal ho Prezidente Republika, Jose Ramos Horta, iha palasiu Prezidensial Nicolau Lobato, Bairo Pite, Kinta (06/03/2025).
Primeiru Ministru dehan, hasoru malu ona ho empreza hodi koalia hamutuk no kurizi buat balu neebe mak naksalak, nunee dudu sira nia servisu ba oin, tanba dezenvolve ekonomia Timor Leste husi setor privadu laos Governu.
“Hasoru malu ho empreza sira hodi dehan ita enkoraza saida mak ita toma ona karik halao tinan hirak nee ita tenke kurizi tanba haree katak husi AND SNA Karik MOP karik uluk nee kompanha ida neeba nia simu projetu 5 ida halo 5% deit ida foin mak 15% mai simu tan simu tan tanba sa? Tanba osan tama husi kotuk nee mak avizu tiha ona see mak husu osan fo hatene para hasai tiha kedas hodi ita dudu ita nia emprezariu sira bele halao ita nia servisu,” katak nia.
Primeiru Ministru dehan, atu dezenvolve Ekonomia Timor Leste, ba oin husi petor privadu, tanba oras nee daudaun Governu mos hasoru malu ho empreza sira oinsa mak bele buka halo servisu, nunee bele dudu ekonomia ba oin.
“Atu dezenvolve ekonomia laos Governu mais setor privadu, ho ida nee mak hau fo hatene ba Prezidente hodi nunee ita bele dudu no kurizi sala sira neebe akontese too agora,” katak PM Xanana.
PM Xanana afirma ba Prezidente katak problema barak, maibe atu dudu ekonomia lo-loos iha tinan ida nee, maibe tanba Governu haree problema barak sei hamoos hela, no agora prepara daudaun hela 2026 iha banku ida hodi dudu daudaun empreza mikro media, pekena media hodi dudu daudaun hodi lori ba oin.
“Hau mos dehan ba Prezidente ami haree hela problema ida Governu lokal sira nia rejistrasaun nee laos atu halo eleisaun iha fatin hotu, mais haree tuir iha fatin ida rekursu umanu neeba diak kapaas, iha kapasidade profisional duni honestu, entaun iha neeba ita halao ona Governu lokal hodi bele haree saida mak sira bele book ba buat hotu hotu, tanba ita haree ba PNDS ita buka tuir buat nee la lao nee mak iha munisipiu tenke iha ema neebe hatene fiskaliza no ema neebe hatene kaer osan, ema neebe hatene administrasaun didiak, ema neebe hatene planu diak, buat hotu presiza tempu,” katak PM.
Iha hasoru malu nee Prezidente Republika, Jose Ramos Horta hatete, foin lalais ba Oekusi husi Atambua observa hela hospital iha Atambua iha tekniku neebe mak diak, tanba nee PM sei koalia ho Ministra nunee karik Timoroan neebe moras mak la konsege kura bele lori ba Atanbua hodi halo tratamentu, duke lori ba Singapura no Malazia ho montante osan neebe boot selu labele.
Aleinde nee koalia mos kona-ba kooperasaun ho Brunei tanba iha Brunei Darusalam mos fo tratamentu ema diak, tanba nee Timor Leste sei halo mos kooperasaun ho Brunei iha area kooperasaun saude nia atu teste ida ba mediku Timoroan see mak iha inklinasaun ba fuan nia bele selu ba iha neeba aprende fulan 6 no tinan 1 hodi mai implementa fali iha Timor Leste.
(eme)
