DILI, STLTIMORLESTE.com – Klub voleibol AD SLB manán Jolitino ho rezultadu 3–0 iha Liga Voleibol Timor-Leste Primeira Divizaun Époka 2026.
Partida ne’e hala’o iha Kampu Voleibol Ginásio Díli, Segunda-feira (12/10/2026), ho AD SLB domina set tolu, ho rezultadu 25–19, 25–20 no 25–13.
Iha set primeiru, ekipa rua hatudu kompetisaun maka’as. Maibé, AD SLB konsege kontrola jogu no taka set ne’e ho vitória 25–19, hodi lidera 1–0.
Tama set daruak, AD SLB kontinua hatudu dominasaun liuhusi téknika passing, smash, servis no bloku ne’ebé di’ak, hodi manán ho rezultadu 25–20 no aumenta vantagem ba 2–0.
Iha set datoluk, ekipa rua kontinua disputa pontu. AD SLB hatudu konsisténsia no servisu hamutuk ne’ebé di’ak, hodi taka set ikus ho vitória 25–13.
Vitória ne’e hatudu AD SLB nia kapasidade no dominasaun iha partida hasoru Jolitino, liuhusi koordenasaun entre jogadór sira durante set tolu.
Partida ne’e hetan atensaun husi adepta no apoiadór ekipa rua, ne’ebé fó motivasaun ba sira-nia jogadór durante kompetisaun.
Liga Voleibol Timor-Leste Primeira Divizaun Époka 2026 ne’e hala’o hafoin Primeiru-Ministru, Kay Rala Xanana Gusmão, loke ofisialmente kompetisaun refere.
(leo)
