DILI, STLTIMORLESTE.com – Polisia Nasional Timor Leste (PNTL) liu husi Diresaun Nasional Servisu Investigasaun Kriminal Nasional (DNSIK) prende osan falsu ho kuantidade boot tebes iha armajen ida iha Bidau Masaur, situasaun nee bele lori ameasa boot ba estabilidade ekonomia nasaun ida nee nian.
Ekipa Diresaun Nasional Servisu Investigasaun Kriminal Nasional (DNSIK) iha operasaun refere, autoridade sira konsege deskobre osan falsu ho kuantidade boot, liu-liu nota ho valor US$100 (dolar amerikanu atus ida), neebe rai iha brankas no kaixoti sira iha armajen laran.
Tuir observasaun katak, evidénsia sira nee agora daudaun tama ona iha prosesu investigasaun hodi hatene klaru orijen osan falsu refere no rede neebe envolve iha kazu ida nee, depois kazu nee Portavos Komando Jeral Polisia Nasional Timor Leste (PNTL), Superitendente Xefe João Belo Dos Reis sei hatan iha tempu badak, tanba Ekipa Diresaun Nasional Servisu Investigasaun Kriminal Nasional (DNSIK) sei halao hela nia servisu.
(jen)
