BAUKAU, STLTIMORLESTE.com – Bispu Dioseze Baukau, Dom Leando Maria Alves husu Polisia Nasional Timor Leste (PNTL) atu hatudu profisionalizmu seguransa, asegura nasaun husi atividade ilegal sira.
Deklarasaun Bispu Dioseze Baukau, Dom Leando Maria Alves hatoo ba jornalista sira hafoin simu vizita ofisial husi Komadante Jeral Polisia Nasional Timor Leste, Komisariu Asistente Afonso dos Santos no Segundu Komadante Komisaria Asistenten Natercia Eufrasia Martins iha nia knaar fatin Vila Antiga Baukau, Kinta nee, parabeniza Polisia Nasional Timor Leste liu husi Diresaun Nasional Servisu Investigasaun Kriminal Nasional (DNSIK) prende iha armajen Xineza nian, iha area Bidau, Aldeia Sagrada Familia, Suku Bidau Santa Ana, Postu Administrativu Kristu Rei, Munisipiu Dili.
“Ita apoiu nafatin atu servisu sira hanesan nee halao diak nafatin atu bele asegura ita nia nasaun husi atividade ilegal sira neebe mak ita buka atu preve no hases husi ita nia rai,” hateten Dom Leando ba jornalista sira iha knaar Vila Nova Baukau, Kinta (16/04/2026).
Dom Leando mos preokupa ho prezensa osan falsu montante milhaun US$ 4 iha Timor Leste, nunee husu parte relevante sira atu halao investigasaun klean ba kazu refere, tanba nee husu parte relevante sira atu halao investigasaun klean ba kazu refere.
“Se milhaun US$ 4 nee mak osan falsu hotu deit mak namkari iha Timor laran mak ita la toman, ita lakon buat boot tebes, liu liu estraga ita nia ekonomia, se lae afeta mos ba ita nia povu sira, tanba osan nee ita haree ho matan la hatene, so makina mak detekta buat sira nee,” Dom Leando sublina.
Bispo Dioseze Baukau nee husu komunidade sira iha territoriu nasional bainhira hetan osan falsu ruma husi osan montante milhaun US$ 4 relata ba Autoridade relevante sira liu liu parte polisia hodi halo investigasaun ba osan refere.
(tom)
