DILI, STLTIMORLESTE.com – Liu husi Komunikadu Impresa ne’ebe STL asesu iha media F-FDTL katak, Diresaun Saúde Militár (DSM) FALINTIL-Forsa Defeza Timor-Leste (F-FDTL) fó apoiu ba konsulta médika masál iha Ministériu Juventude, Desportu, Arte no Kultura (MJDAK), nu’udar preparasaun ba komemorasaun 35.º aniversáriu Masakre Santa Cruz.
Atividade ne’e hala’o nee halao iha Kuartel Jeneral F-FDTL Fatuhada Dili loron sesta feira (06/11/2026) tanba aktividade nee nu’udar parte husi preparasaun ba loron 12 Novembru, hodi komemora Masakre Santa Cruz ne’ebé akontese iha 12 Novembru 1991.
Konsulta médika masál ne’e hala’o ho tema “Espíritu 12 Novembru nian lori ita hamutuk atu harii dame no autonomia ba dezenvolvimentu sustentável.”
Atividade ne’e la’ós de’it prestasaun servisu saúde, maibé mós oportunidade atu fó omenajen no valoriza sakrifísiu juventude Loriku Asuwain sira ne’ebé lakon sira-nia moris durante Masakre Santa Cruz.
Liu husi atividade ne’e, partisipante sira hetan konvite atu kontinua preserva memória istórika no aprende husi sakrifísiu erói no mártir sira.
Nune’e mós, atividade ne’e hamenus kompromisu sidadaun hotu-hotu atu kontribui ba harii dame, hametin unidade no promove dezenvolvimentu sustentável iha Timor-Leste.
(jen)
