DILI, STLTIMORLESTE.com – Durante nee edukador sira kada loron hatene sira nia oras hanorin, oinsa dader tama sedu no sai tuir oras neebe estabelese ona.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba STL iha nia knaar fatin, Sesta nee (21/02/2025).
“Nuudar edukador, ami nian profesores sira sempre kumpri oras hanorin no sira mos kada loron halo planu de aula, nee duni oinsa tama sedu eskola hodi halao prosesu ensinu aprendizajen ba ita nian estudantes sira, bainhira moras no iha asuntu importante ruma, nee sira tenke fo informasaun antes mai iha eskola para husi parte eskola bele hatene, maibe hau nian profesor sira tama no sai tuir oras,” dehan nia.
Nunee mos Diretor EBC Manleuana, Carlos Correia dehan, regulamentu ba profesores sira iha dader mai sedu, nunee mos sai tenke tuir oras, tanba nee kada loron sira sempre halo kontrola ba profesores sira.
“Ami iha regulamentu ba profesores sira iha dader mai sedu, nunee mos sai tenke tuir oras, tanba nee kada loron sempre halo kontrola ba profesores sira,” nia afirma.
(jac)
