Eleisaun Ba Suku Tahubein 25 Janeiru

Ilustrasaun (Foto: Espesial)

DILI, STLTIMORLESTE.com – Eleisaun Liderannsa Suku ba suku sira neebe Governu aprova ona, hanesan Suku Tahubein, Postu Administrativu Alas, Munisipiu Manufahi, sei halao iha loron 25 Janeiru tinan nee.

Dehan Alarico Martins hanesan II Visi Sekretariu ba ekipa hamoris fali Suku Tahubein ba STL liu husi telefone, Tersa (21/01/2025).

“Hodi ekipa hamoris fali Suku Tahubein, hakarak fo hatene ba maluk Tahubein oan sira, estudante, joven no inan aman sira hotu neebe namkari iha Timor laran tomak, katak eleisaun ba Suku Tahubein sei akontese iha loron Sabadu, (25/01/2025). Tan nee husu ba ita hotu atu prepara ba eleisaun”, dehan Alarico.

Nia husu Tahubein oan tomak atu prepara iha loron 23 too 24 Janeiru nee, nunee iha loron 25 halao eleisaun ba suku.

Tanba Tahubein nakfila ba Suku, sei hakbesik liu tan dezenvolvimentu ba komunidade.

Entretantu, antes nee atu tama meza eleitoral no Kandidatu Xefe Suku no Aldeia inklui delegado/a sira, simu edukasaun sivika husi Sekretariadu Teknika Administrasaun Eleitoral (STAE) no Komisaun Nasional Eleisaun (CNE) Nasional no Munisipiu hodi halao preparasaun ba eleisaun suku nee rasik.

(gui)

Share it :

Leave a Reply

Your email address will not be published. Required fields are marked *