DILI, STLTIMORLESTE.com – Embaixadora Estadus Unidus Amerika (EUA), Donna A. Welton halao enkontru despedida ho Primeiru Ministru (PM), Kay Rala Xanana Gusmão, aprezenta mós profunda apresiasaun no agradesimentu ba kooperasaun neebe nasaun rua estabelese too ohin loron.
“Hau mai halo despedida ho Primeiru Ministru, agradese no hatoo profunda apresiasaun ba kooperasaun durante mandatu iha nee. Ohin mos konsege koalia kona-ba asuntu kooperasaun hotu-hotu neebe nasaun rua iha,” hatete Donna A. Welton iha Palásiu Governu, Sesta (14/02/2025).
Donna A. Welton entrega karta kredensial husi Prezidente EUA, Joe Biden ba Prezidente Republika Demokratika Timor Leste, José Ramos Horta hodi halao knaar hanesan diplomata iha TL iha loron 16 Julhu 2024.
(alb)
