DILI, STLTIMORLESTE.com – Oras nee daudaun Eskola Hotelaria no Turizmu, Bekora, menus komputador ba estudante sira, maske sira halo ona pedidu ba Ministeriu Edukasaun (ME), maibe seidauk fo resposta.
Haktuir Adjuntu Eskola Hotelaria no Turizmu, Bekora, Charles F. Guterres ba STL iha nia knaar fatin Bekora, Sesta nee (17/01/2025).
“Agora daudaun ami iha komputador haat (4) deit no seidauk sufisiente ba ami, tanba nee ami halo ona pedidu ba ME iha fulan Novembru 2024, ami nian pedidu nee husu komputador rua nolu (20), maibe too agora seidauk iha resposta, ami hein deit bainhira mak ME fo resposta, pedidu nee ami hatama iha Edukasaun Munisipiu Dili,” dehan nia.
Nia akresenta, komputador haat (4) neebe iha la sufisiente, nee menus tebes, tanba nee sira presiza atu aumenta tan komputador rua nulu (20), nee ba laboratoriu komputador ninia, total estudante agora daudaun nee hamutuk 221, nee kompostu husi Departamentu Hotelaria, Klunaria ho Departamentu Kustura.
Hatan ba asuntu nee, Diretor Nasional Ensinu Sekundariu iha ME, Benjamin Gomes da Cruz Fernandes dehan, sira foin simu pakote fiskal horiseik, sira foin halo proposta, neebe seidauk koalia kona-ba ida nee, maibe tinan nee sosa fasilidade komputador ba ensinu tekvo, agora atu sosa oinsa nee seidauk bele fo sai.
(jac)