DILI, STLTIMORLESTE.com – Konstrusaun edifisiu Eskola Sekundariu Nobel da Paz besik finaliza ona, maibe estudantes sira hahu uza daudaun ona sala refere.
Jeremias P. de Jesus hanesan fundador husi eskola Nobel da Paz ba STL iha nia knaar fatin, Sesta nee (17/0/2026).
“Iha nee ami nian konstrusaun edifisiu eskola nian andar ho sala 24 parte andar leten nian nee ita nian estudantes sira uza daudaun ona, hodi halao ensinu aprendizajen, sala hirak nee reboka ona, semana ida nee ou semana oin bele hotu ona, depois sei monta vidru, odamatan, bainhira ida nee hotu, ba oin 2027 ami sei halo tan konstrusaun foun, hau promete ona katak tinan 2027 ami sei konstrui ami nian eskola,” nia afirma.
Nia dehan, nee duni antes tinan 2028 edifisiu eskola ida nee sei kontinua halo konstrusaun nafatin, agora nee sala, okos sala 6 no parte leten nee sala 6, agora iha nian estatutu nee iha nivel tolu, nee mak ensinu filial, ensinu baziku no ensinu sekundariu, tanba uluk kedas hahu iha estatutu nee nibel tolu, nee duni daudaun nee hamutuk sala 24 mak finaliza ona, andar nee rua, ida iha okos sala 6 no leten sala 6, entaun hamutuk ho ida temi uluk nee sala 24.
“Ami nian edifisiu eskola nee primeiru ami halo uluk konstrusaun andar ho sala iha leten 6, okos 6, nee estudantes sira uza kleur ona, maske seidauk pinta no tau keramik, agora ida seluk nee andar okos sala 6 no leten sala 6, hamutuk mak sala 24, neebe besik Finaliza ona, depois pinta, monta keramik no seluk tan,” nia esplika.
Nia akresenta, planu eskola nian mak ba oin sei halo tan konstrusaun, atu nunee bele aumenta sala aprendizajen ba estudantes sira, maibe andar ida halo ikus nee ho ninia salaun boot ida para aban bain rua eskola halao enkontru ruma ho inan aman estudantes no instituisaun seluk, nee bele uza deit sala ida nee.
(jac)
