Estrada Luak – Natarbora Hahu Sukat

Estrada Luak - Natarbora. (Foto: Espesial)

DILI, STLTIMORLESTE.com – Visi Ministru Obras Publika (V-MOP), Julio do Carmo hatete, estrada iha Timor laran tomak barak mak kondisaun aat, maibe konforme avaliasaun dokumentu ida neebe mak bele prioridade atu hadia, maibe estrada husi Luak liga ba Natarbora, tekniku ka konsultan sira ba sukat ona.

“Ita haree ida neebe prioridade mak ita halao uluk, depois ba fali seluk, maibe kona-ba Luak liga Natarbora kondisaun aat, nee konsultan sira komesa sukat ona, sira haree bainhira prepara ona mak foin ita bele halo”, katak Visi Ministru Obras Publika, Julio ba STL iha Palasiu Governu, Kinta (16/01/2025).

Tuir nia, kona-ba kondisaun estrada aat nee presiza hadia, neebe hein deit, tanba kondisaun estrada aat iha fatin-fatin, neebe sei hadia faze por faze.

Iha parte ketak, Xefe Suku Mahaquidan, Cristovão Chances dehan, kona-ba kondisaun estrada nee realidade situasaun mak nunee, bele fasilita movimentu komunidade ba mai, tanba dalan nee dalan nasional. Espera iha 2025 nee bele tama iha reabilitasaun.

(gui)

Share it :

Leave a Reply

Your email address will not be published. Required fields are marked *