DILI, STLTIMORLESTE.com – Estudante husi Eskola Nicolao Lobato hamutuk 1,114 mak partisipa iha ezame segundu periodu nian, kompostu husi ensinu baziku ka SMP 346 no sekundariu 768. Estudante sira tuir ezame ho disiplina no sei priense perguntas sira ho diak, tanba profesor sira hanorin diak no estudante sira mos prepara aan ho diak.
Diretor Geral Eskola Nicolao Lobato, Rui Lopes dehan, ezame ba segundu periodu nian bazeia ba kalendariu Ministeriu Edukasaun nian, neebe tenke realiza iha dia 13 too dia 18 Julhu tinan nee. Antes atu ezame, eskola nee iha preparasaun no halo mos enkontru ho ekipa komisaun neebe halo servisu ba prosesu ezame nee.
“Enkontru neebe ami halao iha dia 24 semana kotuk ho ekipa neebe halo preparasaun ba ezame segundu periodu nian, nomos halo preparasaun materia sira ba kelas 3, nunee mos kelas 1 no 2. Liu husi ekipa nia servisu, ohin konsege hahu ezame too 18 mak foin remata,” haktuir nia ba STL iha Eskola Nikolao Lobato, Tasitolu, Segunda (13/07/2026).
Nia hatete, estudante husi sekundariu hamutuk 768 mak partisipa iha ezame segundu periodu ida nee, kompostu husi kelas 1 too kelas 3. Ba SMP iha tinan ida nee estusante sira hamutuk 365, kompostu husi kelas 1 too kelas 3 mak tuir ezame nee.
Nia katak, nuudar direjente ba eskola ida nee fiar no garante estudante sira sei priense notas husi materia sira neebe mak profesor sira fo, tanba sempre halo observasaun ba profesor sira tantu husi SMP no SMA hanorin diak no estudante sira mos prepara aan ho diak hodi tuir ezame nee.
(dom)
