Estudante Seidauk Asesu Merenda Eskolar

Ilustrasaun (Foto: Espesial)

DILI, STLTIMORLESTE.com – Estudante husi Ensinu Baziku Sentral (EBC – sigla português) Manleuana seidauk asesu programa merenda eskolar.

Lia hirak nee hatoo husi Diretor EBC Manleuana, Carlos Correiaba STL iha nia knaar fatin Manleuana, Tersa nee (21/01/2025).

“Iha Sesta nee hasoru malu ho autoridade Munisipiu Dili, hau prepara atu ba asina, tuir lo-loos nee hau asina iha loron Sesta nee, maibe hau nian EJP nee kona lia mate ninia, entaun ba tiha ona munisipiu, fila fali mai mak ami ba asina, nee ami ba asina iha autoridade Munisipal, tuir informasaun katak, programa nee sei implementa iha fulan Fevereiru, no ohin ami foin ba asina iha autoridade Munisipal Dili,” dehan nia.

Nia akresenta, iha anu letivu foun 2025 nee estudantes sira seidauk han ida, nee duni asinatura nee husi Diretor Eskola no EJP, autoridade no Diretor Munisipal, total numeru estudantes bazeia ba tinan kotuk ninia nee iha 1.920.

Iha fatin hanesan, estudante Liliana de Jesus dehan, sira seidauk asesu merenda eskolar, maibe iha tinan kotuk nee sira asesu diak merenda eskolar, agora anu letivu 2025 nee too agora sira seidauk han.

Entretantu Koordenadora Pre Eskolar Moris Foun I, Domingas Beatriz da Cunha dehan, too agora estudante sira seidauk asesu merenda eskolar, maibe ida nee kompetensia ministeriu relevante neebe haree ba asuntu nee.

(jac)

Share it :

Leave a Reply

Your email address will not be published. Required fields are marked *