DILI, STLTIMORLESTE.com – Too agora estudante sira seidauk uza uniforme eskolar, no sira sei uza farda anterior neebe antes nee sira uza ona.
Lia hirak nee hatoo husi Diretor Edukasaun Munisipiu Likisa, Julio da Silva ba STL liu husi telefone, Sesta nee (07/02/2025).
“Nee eskola mak koalia ho inan aman no kompanhia atu produs mak tuir tabela, ema hotu bele sosa ho folin neebe justu, ita nian estudantes sira seidauk uza uniforme, tanba foin koalia, espera sira sei halo uniforme, sira akompanha hela iha media, nee duni ita nian estudantes sira sei uza hela farda anterior husi eskola idak-idak nian hodi hein uniforme foun,” nia dehan.
Iha fatin seluk, Koordenador Pre Eskolar Sagrada Familia Vila Verde, Cornelio A. Soares hatete, kona-ba farda eskola too agora husi edukasaun seidauk fo hatene, ho ida nee estudantes sira sei uza farda tuan, husi eskola hein deit bainhira mak edukasaun fo informasaun ba sira.
“Kona-ba farda eskola too agora husi edukasaun seidauk fo hatene atu ba sosa farda iha neebe, ho ida nee estudantes sira sei uza farda tuan, husi eskola hein deit bainhira mak edukasaun fo informasaun ba sira,” tenik nia.
(jac)
