DILI, STLTIMORLESTE.com – Estudantes balun husi Eskola Sekundariu no Ensinu Baziku Nobel da Paz durante nee eskola gratuita, kada fulan sira la selu propinas.
“Ami nian eskola nobel hanesan eskola privadu ida neebe mak durante nee nafatin fo apoiu ba ita nian estudantes sira neebe inan aman kbiit la too, hanesan durante nee ami haree ba ita nian estudantes neebe ho kondisaun defisiensia, no balun neebe iha oan nain tolu mak eskola hotu iha nee, nee nain rua mak selu no nain ida seluk ami fo gratuita,” dehan Fundador Eskola Nobel da Paz, Jeremias P. de Jesus ba STL iha nia knaar fatin, Kuarta nee (12/08/2026).
Nia dehan, defisiensia nee balun iha nibel sekundariu no balun iha ensinu baziku, nee fo gratuita, durante nee eskola nobel nafatin ho gratuita ba estudantes neebe inan aman nia kbiit natoon deit, maibe sira tenke fo razaun neebe klaru, ho nunee husi parte eskola bele fo eskola gratuita ba estudante sira nee.
“Ita nian maluk defisiensia nee balun iha nibel sekundariu no balun iha ensinu baziku, nee fo gratuita, durante nee eskola nobel nafatin fo gratuita ba estudantes neebe inan aman nia kbiit natoon deit, maibe sira tenke fo razaun neebe klaru, ho nunee husi parte eskola bele fo eskola gratuita ba estudante sira nee,” nia konfirma.
Tuir Jeremias, kada fulan estudante husi sekundariu selu US$ 6, maibe antes nee kada fulan selu US$ 5, ba estudantes nivel ensinu baziku kada fulan selu US$ 5, maibe antes nee kada fulan selu US$ 4.
“Labarik neebe mak kbiit laek nian oan, ekonomia família nian ladun sufisiente, no iha balun mos ninia oan nain tolu mak eskola iha nee, nee nain ida ita fo gratuita deit, maibe nain rua seluk mak selu, nee mak hau konta hamutuk nain neen. Segundu grupu neebe husi uma mahon nee mos haree ba iha ekonomia família nian, nee estadu mak selu hamutuk 26. Nee tinan-tinan estadu mak selu, ida seluk mak hanesan ema neebe defisiensia,” nia dehan.
Nia akresenta, defisiensia nee sira bele selu, maibe laos selu antes, too iha final mak bainhira sira iha kbiit nee foin sira bele selu. Nuudar ema umanu sempre ajuda malu nee importante tebes. Nobel da Paz nee kada tinan sempre ajuda kbiit laek nia oan, neebe mak kontinua estudu iha eskola ida nee. Ajuda malu nee importante ba buat hotu.
“Hau hanoin Eskola Nobel da Paz sempre fo eskola gratuita ba maluk sira neebe inan aman laiha kbiit atu haruka oan ba eskola, tanba nee laos foin mak fo apoiu, maibe tinan-tinan sempre ajuda ba maluk sira,” nia informa.
Nunee mos João Mendes hanesan estudante husi Eskola Sekundariu Nobel da Paz hatete, kada fulan sira selu US$ 6, konaba estudantes balun neebe eskola gratuita nee husi eskola mak hatene liu asuntu ida nee, katak agora daudaun estudantes nain hira mak Eskola Nobel da Paz fo gratuita, no la selu propinas.
“kada fulan hau selu US$ 6, konaba estudantes balun neebe eskola gratuita nee husi eskola mak hatene liu asuntu ida nee, agora daudaun estudantes nain hira mak eskola Nobel da Paz fo gratuita no la selu propinas,” katak nia.
Entretantu Rosito da Costa dehan, Eskola Nobel da Paz sempre fo eskola gratuita ba maluk sira neebe inan aman laiha kbiit atu haruka oan ba eskola, tanba nee laos foin mak fo apoiu, maibe tinan-tinan sempre ajuda ba maluk sira.
“Hau sente Eskola Nobel da Paz sempre fo eskola gratuita ba maluk sira neebe inan aman laiha kbiit atu haruka oan ba eskola, tanba nee laos foin mak fo apoiu, maibe tinan-tinan sempre ajuda ba maluk sira,” nia esplika.
(jac)
